பாட்டி

                                                                           பாட்டி

இரண்டு பாட்டி

ஒன்று

அப்பா பாட்டி

இரண்டு

அம்மா பாட்டி !



அப்பாவை அதட்டி 
என்னை அணைக்கற பாட்டி
என் பாட்டி !

அம்மாவை முறைச்சி
என்னை முத்தமிடற பாட்டி
என் பாட்டி !!

தாத்தாவுக்கு "பழது " போட்டுட்டு
எனக்கு "பர்கர் "வாங்கித்தர பாட்டி
என் பாட்டி !!

நான் "பத்துக்குப்பத்து " வாங்கிட்டா
பத்துத்தெருவுக்கு பறை அடிக்கிற பாட்டி
என் பாட்டி !!!

                                                           என்  பாட்டி  நல்ல  பாட்டி ! 

'

-8-

தாத்தா

                                                                      தாத்தா

இரண்டு தாத்தா

ஒன்று

அப்பா தாத்தா

இரண்டு

அம்மா தாத்தா !

"மூச்சா" போனாலும்

"முத்தம்" கொடுக்கற

தாத்தா என்  தாத்தா!

அம்மா அப்பா வாங்கித் தராததை

வாங்கித் தர தாத்தா என்  தாத்தா!
"முட்டை" வாங்கினாலும்
"முட்டை" பிரியாணி வாங்கித்தர
தாத்தா என்  தாத்தா!!

அப்பாவைப் போட்டுக்கொடுத்து
என்னைப்  போட்டுக்கொடுக்காத
தாத்தா என் தாத்தா!!

மூடநம்பிக்கைகளுக்கு "டாட்டா" சொல்லி
முன்னேற்றத்திற்கு "வழி சொல்ற
தாத்தா என்  தாத்தா !!!


                                                       

                                                             தாத்தா சமுதாயத்தின் காற்று!

                                                                      மூன்றாவது வழிகாட்டி!!

                                               தாத்தாவை போற்றுவோம் !!!

                                                                                

                                         

-7-

அப்பா

                                                                            அப்பா

கந்துவட்டி வாங்கி காலேஜ் சேர்த்தவன்

வாரிசை வளர்க்க வயிற்றை சுருக்கியவன்!

டிப்ளமோ படித்தவனுக்கு

டபுள் டிகிரி பார்ப்பவன் !!

ஐம்பதாயிரம் சம்பாதிக்கவைத்து

இன்று

அநாதை இல்லத்தில் வாழ்பவன் !!!

                                                    அப்பாதான் சமுதாயத்தின் மண்!

                                                          இரண்டாவது வழிகாட்டி !!

                                      

                                          அப்பாவை போற்றுவோம்!!!

                                                                        

                                                         

                                                           

                                                

                                                                                                                

-6-

x

அப்பா

                                                                          அப்பா

தான்"கை" கட்டி வேலை செய்தாலும்

பிள்ளை"டை" கட்டி வேலை செய்ய நினைப்பவன்!

தான்  " தப்புத்தண்டா " செய்தாலும்

பிள்ளை "தருமனா "  இருக்கனுமுனு நினைப்பவன்!!

தான் "டிங்கரிங் " வேலை செய்தாலும்

பிள்ளை "டாக்டர் " வேலை செய்யனும்`னு நினைப்பவன்!!

                                           

-5-

அப்பா

                                                                           அப்பா

பிள்ளையை----

அரசு மருத்துவமனையில் சேர்க்காமல்

அரசுப்  பள்ளியில் சேர்க்காமல்

அரசுப் பேருந்தில் அனுப்பாமல்

அவதிப் பல படுபவன்!

தான்"கையேந்தி பவனில்" சாப்பிட்டாலும்

பிள்ளையை "அய்யர் ஓட்டலில்" சாப்பிட வைப்பவன்!! 

                                            

                                                    

                                                                                                                                                  -4-

அம்மா

                                                                               அம்மா

"விளங்காததுக்கு" விளக்கேற்றி வைத்தவள்

இன்று

"விளக்கேற்ற" வந்தவளிடம்"விளக்குமாறு" வாங்குபவள்!

விலையுயர்ந்த ஆடை அணிவித்து

இன்று

"விலையில்லா" சேலையில் வாழ்பவள்!!

சுடும் சூரியன் இல்லேன்னா

சுத்தாது பூமி

சுமக்கும் அம்மா இல்லேன்னா

சுடுகாடுதான் பூமி!!!

                                             அம்மாதான் சமுதாயத்தின் ஆணிவேர்!                                                                                                                                         முதல் பிரதிநிதி!!

                                                     அவள் வாழும் தெய்வம் 

 

வாழும்வரை-நாம் வாழும்வரை-அவளைப் போற்றுவோம் !!!                                                                                                     

                                                                                                      

                                                                                                         

                                                   

                     அம்மாவை போற்றுவோம்

                                                                                                                                                  

அம்மா

                                                                                                          

                                                                               அம்மா

உறக்கத்தை இழந்து உறங்க வைப்பவள்

உலகத்தின் முன்னே விளங்க வைப்பவள் !

சாதாரண"முஞ்சியை" சல்மான்கான் என்பவள்

இட்லி குண்டாவை"இலினியா" என்பவள்!!

படிக்கவைக்க "பத்துப்பாத்திரம்" தேய்ப்பவள்
படிக்கவைத்தும்"பத்துப்பாத்திரம்"தேய்ப்பவள்!!  

                                                                                                        தேய்பவள்!!!  

-2-          

                                                                                        

அம்மா

         

                                                                           அம்மா

வயிற்றில் சுமப்பவள்
தோளில் சுமப்பவள்!
ருசியை துறப்பவள்
பசித்திருந்து பசித்தீர்ப்பவள் !!

உறவைஅறிமுகப்படுத்துபவள்

மொழியை அறிமுகப்படுத்துபவள்!!

                                                   

                              

-1-